Outreach tal-Urologija

Ħarsa ġenerali

Is-servizz tnieda f’Jannar, 2012. Huwa mmexxi minn infermiera b’esperjenza li tipprovdi kura speċjalizzata lill-pazjenti u lill-istaff kemm fl-isptar kif ukoll fil-komunità. Għandu aċċess u qiegħed f’kollegament kontinwu mal-Uroloġisti fl-Isptar Mater Dei.

Post

Outreach tal-Urologija tinsab fit-2 sular tal-Blue Block fl-Isptar Mater Dei. Huwa faċilment aċċessibbli mid-daħla ta’ wara (faċċata l-Università ta’ Malta) tal-isptar.

Servizzi offruti mill-Outreach tal-Urologija

• Provi mingħajr kateter urinarju.
• Bidliet tal-kateter suprapubiku.
• Tagħlim ta’ awto kateterizzazzjoni intermittenti.
• Pariri u appoġġ lill-pazjenti u lil dawk li jieħdu ħsiebhom dwar kif jgħixu b’mod sigur b’kateter tal-awrina.
• Pariri u appoġġ lill-persunal tal-kura tas-saħħa.

Il-pazjenti jidhru b’appuntament biss. Provi mingħajr kateter jew tagħlim ta’ kateterizzazzjoni intermittenti waħedhom jeħtieġu riferiment minn Urologu. Proċeduri oħra kif elenkati jistgħu jintalbu minn prattikanti oħra tal-kura tas-saħħa. L-appuntamenti jingħataw skont l-indikazzjonijiet kliniċi wara li r-riferiment jasal fl-uffiċċju tagħna.

Kif tikkuntattja lill-Outreach tal-Urologija

L-unità tista’ tiġi kkuntattjata bit-telefon fuq +356 2545 7083 jew bl-imejl fuq [email protected]. Informazzjoni medika dettaljata li hija kunfidenzjali ma tiġix żvelata bit-telefon jew bl-imejl.