Post

Il-Klinika tal-Kura tal-Istomi tinsab fil-livell -1 tal-Blokk Out-Patients.

Kuntatti

Il-klinika tista’ tiġi kkuntattjata fuq in-numri +356 2545 4431 / +356 2545 4432.

Jekk ħadd ma jista’ jirrispondi għas-sejħa minħabba impenji oħra ta’ xogħol wieħed jista’ jħalli ismu, in-numru tat-telefon flimkien ma’ messaġġ fuq answering machine disponibbli fuq in-numru tat-telefon +356 2545 4431. Is-sejħa tiġi attenduta kemm jista’ jkun malajr.

Servizzi

Il-klinika tipprovdi servizz speċjalizzat għall-kura tal-istoma lill-pazjenti fl-isptar u fil-komunità bħala segwitu.

• L-infermier tal-kura tal-istomi jżur pazjenti, kemm ġodda kif ukoll eżistenti, li jeħtieġu pariri u appoġġ dwar il-kura tal-istoma.
• L-infermiera tal-kura tal-istomi tgħallem lill-pazjenti u lill-carers kura tal-istomi indipendenti sabiex jerġgħu jiksbu stil ta’ ħajja indipendenti.
• L-infermier tal-kura tal-istomi jara u jsegwi pazjenti li jeħtieġu jew li kellhom operazzjoni tal-istomi.

Appuntamenti

Huwa importanti li wieħed jinnota li l-pazjenti jidhru fil-Klinika tal-Kura tal-Istoma biss b’appuntament skedat minn wieħed mill-infermiera tal-kura tal-istoma. Pazjenti bi stoma u/jew min jieħu ħsiebhom jistgħu jċemplu lill-Klinika tal-Kura tal-Istoma fuq in-numri tat-telefon ipprovduti hawn fuq u jiġu organizzati l-appuntamenti meħtieġa.